Vörur

Sífellt hefur færst í aukana að fólk verði fyrir fjárhagstjóni og óþægindum af ágangi fugla. Fuglavarnir.is bjóða áhrifaríkar og skilvirkar fuglafælur án þess að skaða fuglana eða valda ónæði í umhverfinu. Varnirnar byggja á mannúðlegum lausnum með sérhæfðum búnaði sem hrekur fyrirfram ákveðna fuglategund kerfisbundið á brott af ákveðnu svæði með því að spila viðvörunarhljóð þeirra út í umhverfið. Flestir fuglar nota viðvörunarhljóð til að vara aðra fugla sömu tegundar við hættu. Heyri þeir viðvörunarhljóð taka þeir ávallt mark á því og fara burt. Það er meðfætt í þeirra eðlisávísun, Þess vegna virkar búnaðurinn afar vel og fuglarnir venjast ekki hljóðunum.

Með vörunum er hægt að velja hvaða fuglategundir á að fæla burt hverju sinni. Þá væri hægt að stilla búnaðinn þannig að aðeins mávar fældust burt af tiltekinni tjörn eða varplandi. En gæsir, endur, kríur og aðrar fuglategundir halda áfram að vera þar óáreittar.
Þannig mætti einnig nota búnaðinn til að stuðla að fuglavernd á ákveðnum svæðum. Einnig er hægt að stilla búnaðinn á margar fuglategundir í einu. Okkar búnaður kemur með innbyggðum 6 til 10 viðvörunarhljóðum og þar að auki er hægt að bæta við tegundum við sérstakar aðstæður. Þessi búnaður er þróaður og framleiddur í næsta nágrenni við Ísland, á Bretlandi af Scarecrow Bio-Acoustic og byggir á áratuga reynslu í þessum lausnum. Þess vegna hentar búnaðurinn afar vel við Íslenskar aðstæður því í mörgum tilvikum er þetta sami fuglinn sem um ræðir og kemur hingað frá Bretlandseyjum. Búnaðurinn er með Evrópska CE vottun og uppfyllir einnig IP66 staðalinn og er því vatns- og vindheldur fyrir Íslenskar aðstæður.

Fuglavarnir.is stuðla að fuglaverndun og við styðjum fuglavernd.is